Një anije e ushtrisë spanjolle ka mbërritur të enjten në Poloni, me 200 tonë ndihma ushtarake për Ukrainën, raporton The Kyiv Independent, duke cituar mediat polake.
Anija Ysabel, 149 metra e gjatë, transportoi dërgesën më të madhe të ndihmës ushtarake që Spanja ka ofruar ndonjëherë për ndonjë forcë të armatosur.
Siç shkruajnë mediat polake, në anije janë 30 kamionë dhe 10 automjete ushtarake.
Ndërkohë, të enjten edhe presidenti amerikan, Joe Biden, ka bërë të ditur planet për të ndarë 33 miliardë dollarë ndihma shtesë ushtarake, ekonomike dhe humanitare për Ukrainën.
