Tre persona u vranë dhe tre të tjerë u plagosën rëndë në një sulm të dhunshëm në qytetin Haredi të Ela’d në Izraelin qendror.
Mediat izraelite kanë bërë me dije se në ngjarje morën pjesë dy agresor, ku njëri është qëlluar për vdekje nga Policia.
Njëri qëlloi me pushkë ndërsa tjetri sulmoi njerëzit me sëpatë ose thikë.
Efektivët u bënë thirrje qytetarëve, që të qëndrojnë larg vendit të ngjarjes.
“Në këtë pikë janë vendosur vendkalime të sigurisë në rrugë të ndryshme, së bashku me një helikopter, në kërkim të një automjeti që është parë duke ikur nga vendi i ngjarjes”, tha një zëdhënës i policisë.
Pamjet nga vendi i ngjarjes treguan automjete të shumta të urgjencës duke përfshirë ambulanca dhe motoçikleta.
Dy nga të plagosurit kanë mbërritur në spitalin Beilinson. Njëri është në gjendje kritike dhe një në gjendje të rëndë, thuhet në njoftim.
