Kryetari i grupit parlamentar socialist, Taulant Balla gjatë një deklarate për mediat ka zbuluar se nesër do të zhvillohen negociatat e para mes maxhorancës dhe opozitës për Presidentin e ri.
Pak më herët, kryetari i grupit demokrat është shprehur se takimin do ta pranojë vetëm nëse do të jenë prezentë mediat. Gjatë fjalës së tij, Balla u ka kërkuar mediave të marrin masa për të qenë nesër në takim.
“Sot ka pasur konferencë kryetarësh, kam propozuar që të takohemi në orën 18:00, kemi qenë të përpiktë, erdhën të gjithë bashkë me Alibeaj dhe u vijua takimi. Alibeaj ka kërkuar që ky takim të bëhet me mediat kështu që nesër merrni masat të jeni prezent,” është shprehur ai.
