Makina inteligjente përgjatë fundjavës ka monitoruar qarkullimin rrugor, në rrugët e kryeqytetit dhe në rrugët interurbane Tiranë–Durrës-Tiranë dhe Tiranë-Elbasan–Tiranë, ku janë ndëshkuar drejtues të mjeteve që thyejnë rregullat e qarkullimit.
Policia bëjnë me dije se përgjatë fundjavës janë konstatuar shpejtësi gati trefishi i normës së lejuar në rrugët e kryeqytetit, dhe deri në dyfishin e normës së lejuar në rrugët interurbane.
Bëhet me dije janë pezulluar 104 leje drejtimi dhe janë vendosur 159 masa administrative për tejkalim të shpejtësisë mbi normën e lejuar, por pa sanksionin plotësues. Nga përpunimi i fotove dhe videove të realizuara nga makina inteligjente, është konstatuar se 57 drejtues mjetesh përdornin edhe celularin gjatë drejtimit të mjetit, ndërsa 61 drejtues nuk kishin vendosur rripin e sigurimit.
