Kryeministri i Shqipërisë Edi Rama, së bashku me homologët e tij nga Maqedonia, Kovaçevski dhe Mali i Zi, Dritan Abazoviç së shpejti do të vizitojnë Kievin.
Lajmi bëhet i ditur nga gazeta e njohur malazeze “Vijesti”. Në artikullin e publikuar sot nga kjo gazetë, theksohet se ideja ka qenë e Abazoviçit që ia ka propozuar Presidentit ukrainas, Zelensky, i cili e ka pranuar.
Tashmë pritet për t’u mësuar data e vizitës së tre kryeministrave të Ballkanit drejt Kievit.
Shqipëria miratoi pak ditë më parë një ndihmë 1 mln euro për Ukrainën dhe u është bashkuar sanksioneve kundër Rusisë.
