Rikthehen në detyrë dy prokurorët e SPAK-ut, Elvin Gogaj dhe Alfred Shehu, që ishin pezulluar me një vendim të Gjykatës Administrative të Apelit. Gjykata e Lartë e rrëzoi sot Gjykatën e Apelit Administrativ.
Kjo gjykatë e kishte konsideruar të parregullt zgjedhjen e dy prokurorëve, pas ankimimit që kishte bërë më herët prokurorja Muhametaj, që kërkoi që procesi të anulohej për shkelje nga Këshilli i Lartë i Prokurorisë. Me dy prokurorët e fundit, SPAK ka 17 në total për të hetuar.
