Isuf Kola është shqiptari, i cili i drejtoi armën liderit të opozitës maqedonase Hristijan Mickoski. Ai është arrestuar nga autoritet maqedonase.
Mësohet se ai ka disa biznese në sheshin Skënderbeu, në Shkup.
Autoritetet maqedonase nuk kanë dhënë asnjë informacion shtesë për rastin, por nga mediat vendase bëhet me dije se shqiptari nuk ka tentuar të vrasë askënd, por thjesht ka mbrojtur biznesin e tij.
Kujtojmë se ishe lideri i opozitës Hristijan Mickoski, ai i cili publikoi foton e shqiptarit me armë në dorë dhe e akuzoi se donte ta vriste.
“Për një kohë të gjatë kam marrë informacione për eliminimin tim me urdhër të qeverisë. Sonte pamë të paktën dy persona me armë zjarri gati për ta bërë këtë. Policia nuk u gjet askund,” tha Mickoski.
Ai tha se këtë skenar e ka paralajmëruar qeveria, përkatësisht ministri i Jashtëm, Bujar Osmani.
