Në rrjetet sociale, por jo vetëm reagimet ishin të shumta pas deklaratës së fortë që Sali Berisha bëri mbrëmjen e djeshme në sheshin përballë Kryeministrisë, ku iu drejtua Edi Ramës duke i thënë “ti je armiku im”.
Për ish-zv/ kryeministrin Erion Braçe, Sali Berisha në thelb është fashist oriental. Me kulturën e armikut, deputeti socialist, thotë se kryetari i PD-së mbylli Fatos Nanon në burg, rrahu Edi Ramën, vrau në bulevard dhe bëri Gërdecin.
“Kjo eshte “kultura e armikut”; ne thelb te fashizmit oriental! Me kulturen e armikut, mbylli ne burg per me shume se tre vjet, kryetarin e opozites, armikun Fatos Nano; me kulturen e armikut, rrahu deri ne kufijte e vdekjes, publicistin ate kohe, armikun Edi Rama; me kulturen e armikut, pushkatoi kater armiq ne mes te bukevardit; me kulturen e hajdutit, poqi te gjalle punetoret e gjore te Gerdecit, ku ishte nje nga bizneset e fashizmit oriental” shkruan Braçe.
