Presidenti Ilir Meta ka vlerësuar me titullin “Për Merita të Veçanta Civile” ambasadorin e Bullgarisë Momtchil Raytchevski.
Përmes një postimi në Facebook ai është shprehur se i është mirënjohës Bullgarisë për mbështetjen e vendosur dhe të vazhdueshme të procesit të integrimit europian të Shqipërisë.
“Në vlerësim të veprimtarisë së tij të spikatur diplomatike dhe kontributit të posaçëm të dhënë për forcimin e marrëdhënieve tradicionale të shkëlqyera dypalëshe, pata sot kënaqësinë e posaçme të vlerësoja me Titullin “Për Merita të Veçanta Civile” një mik të Shqipërisë dhe popullit shqiptar, Ambasadorin e Bullgarisë, Momtchil Raytchevski.
Përherë mirënjohës Bullgarisë mike për mbështetjen e vendosur dhe të vazhdueshme të procesit të integrimit europian të vendit tonë, si dhe për ndihmesën e hershme dhe shumë të vyer të dhënë në Pavarësinë dhe zhvillimin e shtetit shqiptar”, shkruan Meta.
