Një aksident rrugor është shënuar pasditen e sotme në aksin nacional Pogradec–Qafë Thanë, pranë fshatit Pojskë.
Sipas të dhënave paraprake, në ngjarje janë përfshirë dy automjete që janë përplasur me njëra-tjetrën, duke shkaktuar plagosjen e dy personave.
Të lënduarit janë transportuar me urgjencë drejt spitalit të Pogradecit, ku po marrin trajtim mjekësor. Deri tani nuk raportohet informacion zyrtar mbi gjendjen e tyre apo identitetin.
Policia rrugore ka mbërritur në vendngjarje dhe ka nisur hetimet për të sqaruar shkaqet dhe rrethanat e aksidentit.
