Një sherr banal është shënuar në Sarandë, gjatë natës së djeshme.
Dy të rinj nga Fieri janë konfliktuar me një turist polak, rreth 44 vjeç. Ata e kanë goditur atë me sende të forta duke i shkaktuar plagë të shumta. Ky i fundit u dërgua në spital për të marr ndihmën mjekësore.
Ditën e sotme policia ka njoftuar se të dy të rinj do të hetohen në të lirë. Po ashtu mësohet se turisti është në gjendje më të mirë shëndetësore.
Njoftimi i policisë
Nga specialistët për Hetimin e Krimeve në Komisariatin e Policisë Sarandë u referuan materialet në Prokurori dhe nisi procedimi në gjendje të lirë për shtetasit A. C., 36 vjeç dhe E. C., 43 vjeç, të dy banues në Fier, pasi ditën e djeshme, në Ksamil, gjatë një konflikti për motive të dobëta, kanë goditur me sende të forta shtetasin polak S. A., 44 vjeç.
Fluksi i sezonit turistik ka bërë që policia e Sarandës të ndodhet shpesh para zënkave të tilla banale. Para dy ditësh, për motive të dobëta dy persona kanë përfunduar në spital pasi janë goditur nga një i tretë me mjete të forta.
