I riu Indrit Ndoj 32-vjeç u gjet sot i vdekur në një kanal pranë shtëpisë. Mister janë ende rrethanat dhe autorët. Policia ende nuk ka asnjë të dyshuar apo pistë konkrete hetimi. I riu ka qenë i skeduar vitin e kaluar për trafik emigrantësh.
Ndoj është qëlluar me një plumb në këmbë. Informacionet e para ishin kontradiktore dhe flisnin për dhunë, por në trup i është gjetur vetëm një plumb.
Nga hetimet e para mësohet se plumbi ka prekur arterien kryesore në pjesën e poshtme të kofshës duke i shkaktuar vdekjen.
Megjithatë policia dhe familja dyshon se vrasja është bërë diku tjetër dhe trupi është thelluar më pas pranë shtëpisë. Mos gjetja e gëzhojës e shton akoma më shumë misterin.
I riu flinte herë në banesën e tij tek prindërit herë në një banesë në një fshat të Fushë Krujës, pasi i afërmi i tij kishte shkuar në emigracion dhe 32-vjeçari e kishte në ruajtje banese.
“Iku mbrëmjen e kaluar nga banesa dhe nuk u kthye më” tha familja e tronditur. I riu lëvizte i qetë, edhe pse ishte në arrest shtëpie për hetimet që vazhdonin për ngjarjen e vitit të kaluar, por masën e thyente.