Shakira po kalon një nga periudhat më të vështira të jetës së saj, pasi brenda një periudhe të shkurtër kohore i kërkohet të menaxhojë situata kritike.
Gjatë periudhës kur ajo u nda me Gerard Pique filluan akuzat për mashtrim tatimor.
Me rastin e paraqitjes së saj në gjykata për të zgjidhur çështjet e kujdestarisë së dy djemve të saj, Sashës dhe Milanit, ajo ka hedhur poshtë të gjitha spekulimet që thuhen nëpër media se ajo është në një lidhje me instruktorin e saj të sërfit.
Sipas gazetës spanjolle “El País” Shakira mohoi të kishte një partner dhe u kërkoi gazetarëve të respektonin fëmijët e saj.
Në lidhje me çështjen e kujdestarisë së fëmijëve thuhet se ajo do të jetojë në Miami së bashku me dy fëmijët e saj.
Sa i përket Piques, ligji i jep të drejtën që të kalojë deri në 10 ditë në muaj me fëmijët e tij, ku shpenzimet e udhëtimit do t’i paguajnë të dy ish-partnerët.
Këtë Krishtlindje kujdestaria do të jetë 50% sipas kalendarit të Katalonjës dhe në vitet në vijim do të caktohet sipas kalendarit shkollor të fëmijëve.
Ky është pakti që futbollisti dhe Shakira kanë lidhur për kujdestarinë e fëmijëve të tyre.
