Detaje të reja vijnë nga Spitali i Traumës në kryeqytet, ku po trajtohen efektivi i policisë dhe autori i ngjarjes së rëndë që ndodhi së fundmi në Maliq.
Polici i plagosur, Edison Adri, 36 vjeç, i cili ishte në krye të detyrës gjatë incidentit, i është nënshtruar një operacioni të komplikuar në nofull.
Burimet mjekësore bëjnë me dije se ndërhyrja ka shkuar mirë dhe gjendja e tij aktualisht është stabël, nën monitorim të vazhdueshëm nga ekipi mjekësor.
Po në Spitalin e Traumës ndodhet edhe autori i dyshuar, Violand Braçellari. Ai ndodhet jashtë rrezikut për jetën, por do të qëndrojë nën kujdes mjekësor për të marrë trajtimin e nevojshëm për plagët e marra gjatë përplasjes.
