Zbardhen detaje të reja nga vrasja e vajzës shqiptare nga i dashuri në Greqi. Qamil Taja 25-vjeç e vrau partneren e tij 19-vjeçare në orët e para të mëngjesit të së shtunës.
Sherri nisi pas viktima Krisjana Braka kishte parë celularin e partnerit të saj. Kështu ka deklaruar autori.
“U zumë të shtunën për herë të fundit. Ajo pa diçka në celularin tim dhe filloi sherri. Në atë moment unë u turbullova dhe e qëllova. Pas kësaj nuk mbaj mend asgjë. Jam penduar për veprimin që kam bërë” tha ai.
Qamil Taja, po sipas mediave greke që e cilësojnë shqiptarin “xheloz patologjik”, ai ka qenë nën efektin e kokainës kur ka kryer vrasjen dhe më pas shkoi vetë në polici dhe u dorëzua.
Policia greke shkoi në apartamentin e çiftit në Pire dhe gjeti trupin e pajetë të 19-vjeçares shqiptare Krisjana Brakaj.
