Sherr mes dy ortakëve në një biznes (lokal) ka përfunduar në dyert e policisë, ndërsa një prej tyre është shpallur në kërkim.
Burime zyrtare bënë me dije se shtetasi me inicialet A. M., së bashku me shtetasin me inicialet A. Ll., administronin së bashku një lokal, në rrugën “Marie Kraja”, të cilin e kishin vendosur në dispozicion për përdorimin e lëndëve narkotike.
Shtetasi me inicialet A. M., kishte kanosur bashkëpunëtorin e tij, të riun me inicialet A. Ll., e kishte dhunuar dhe e shtrëngonte për dhënie pasurie, pasi ky i fundit konsumonte lëndë narkotike dhe nuk kryente pagesën për të.
