Në orët e para të mëngjesit ka ndodhur një aksident në Durrës ku për pasojë ka mbetur i vdekur një 50-vjeçar.
Aksidenti ka ndodhur në vendin e quajtur “Shkëmbi i Kavajës” ku një 18-vjeçar me iniciale B. H. ka humbur kontrollin makinës dhe ka përplasur për vdekje 50-vjeçarin me iniciale B. B.
Viktima ndodhej në ambientet e jashtme të një hoteli dhe po pastronte në momentin kur ka ndodhur aksidenti.
Si pasojë e përplasja janë plagosur edhe 2 persona të tjerë përkatësisht me inicialet F. D., dhe L. P. të cilët ishin pasagjere në automjet.
Të dy 20-vjeçarët ndodhen nën kujdesin e mjekëve.
Drejtuesi i automjetit është shoqëruar në Komisariatin e Policisë për veprime të mëtejshme.
Nga ana tjetër grupi hetimor vijon punën për sqarimin e rrethanave të aksidentit.
