Zbardhen detaje të reja nga arrestimi i ish-drejtoreshës së Mjedisit ministrinë e Turizmit dhe aktualisht drejtuese e sektorit të Mjedisit në Bashkinë e Tiranës, 39-vjeçarja Viola Sterjo.
Ajo akuzohet për mashtrim të pesë subjekteve në periudhën që ishte drejtoreshë në ministrinë e Turizmit duke u marrë shuma të konsiderueshme parash në këmbim të premtimeve se do të ndërhynte për të fituar projekte nga AZHBR-ja.
Shumat që kërkonte janë të ndryshme duke shkuar nga 20 deri në 90 mijë euro. Sterjo sipas hetimeve këto shuma i ka përfituar në periudhën mars-nëntor 2020.
Fletë arresti u pre dy ditë më parë nga Gjykata e Shkallës së Parë Korçë. Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
20 deri në 90 mijë € mashtrim! Arrestohet ish-drejtoresha e Mjedisit
