Ka disa muaj që Shqipëria lakohet në artikuj të ndryshëm të huaj për lehtësitë e të punuarit si nomadë dixhitale.
Gjithashtu, qeveria shqiptare i ka dhënë vëmendje pikërisht kësaj kategorie që po shtohet edhe në vendin tonë, nëpërmjet një drafti të përfshirë në Axhendën Dixhitale 2022-2026.
Së fundmi një artikull e liston vendin tonë si më të mirin në Europë për nomadët amerikanë.
Sipas Travel of Path, Shqipëria po i rritet popullariteti si qendra kryesore nomade dixhitale në kontinent për vitin 2023: punonjësit e largët nga SHBA po vërshojnë drejt këtij vendi.
Evropa është destinacioni i preferuar për nomadët amerikanë që kërkojnë një cilësi më të mirë jetese dhe kulturë, veçanërisht vendet perëndimore si Spanja dhe Italia, por tani që po përballen me kriza energjetike dhe çmime në rritje, vëmendja ka filluar dalëngadalë të zhvendoset nga Perëndimi në Lindje.
Shqipëria po rritet me popullaritet
Nga të gjitha vendet europiane që ofrojnë leje afatgjata, ajo që po kryeson në këtë garë është Shqipëria, një shtet ballkanik i padëgjuar më parë, që ishte jashtë kufijve për turistët deri në fillim të viteve nëntëdhjetë. .
Shumë pak të huaj u lejuan të hynin në Shqipëri – dhe një numër akoma më i vogël shqiptarësh u lejuan të largoheshin – pasi diktatura siguronte që vendi të mbetej i izoluar nga pjesa tjetër e botës.
Duke krahasuar koston e jetesës midis kryeqyteteve kryesore në rajonin e Ballkanit, çmimet e konsumit në Tiranë, Shqipëri janë:
5.2% më e ulët se Beogradi, Serbi
6.7% më e ulët se Bukuresht, Rumani
11.7% më e ulët se Sofja, Bullgari
21.7% më e ulët se Zagrebi, Kroaci
26.1% më e ulët se Ljubljana, Slloveni
32.6% më e ulët se Athina, Greqi/MONITOR
