Policia e Tiranës ka arritur të identifikojë dhe të arrestojë autorin e një aksidenti ku mbeti i plagosur një të mitur.
35-vjeçari me inicialet G. M pasi ka aksidentuar një 9-vjeçare është larguar nga vendi i ngjarjes.
9-vjeçarja ndodhet në spital, jashtë rrezikut për jetën.
Ai është i arrestuar për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.
Pas disa orësh pune hetimore policia bëri të mundur identifikimin e targës së motorit të autorit dhe më pas të drejtuesit të tij.
Në cilësinë e provës materiale u sekuestrua motomjeti.
Materialet i kaluan Prokurorisë pranë Gjykatës së Tiranës për veprime të mëtejshme procedurale.
