Komisioni Evropian dhe Presidenca Suedeze e Këshillit do të organizojnë një Konferencë Donatorësh për të mbështetur viktimat e tërmetit në Turqi dhe Siri.
Lajmin e bënë me dije sot presidentja e Komisionit, Ursula von der Leyen dhe kryeministri suedez, Ulf Kristerson.
Konferenca e Donatorëve do të koordinohet me autoritetet turke për të mobilizuar burimet nga komuniteti ndërkombëtar për njerëzit e Turqisë dhe Sirisë dhe ngjarja do të organizohet në mars në Bruksel.
Qëllimi i konferencës së nivelit të lartë -do të jetë e hapur për vendet anëtare të BE-së, vendet fqinje, anëtarët e OKB-së, institucionet financiare ndërkombëtare dhe palët e tjera të interesuara- është të koordinojë reagimin e donatorëve dhe të mobilizojë burimet për të mbështetur njerëzit në rajonet e Turqisë dhe Siria e prekur nga tërmetet vdekjeprurëse.
Konferenca do të drejtohet bashkërisht nga Komisioneri për Fqinjësinë dhe Negociatat e Zgjerimit, Oliver Varcheli dhe Ministri suedez për Bashkëpunimin Ndërkombëtar për Zhvillim dhe Tregtinë e Jashtme, Johan Forschel.
“Të gjithë jemi të tronditur nga efektet shkatërruese të tërmeteve që goditën Turqinë dhe Sirinë këtë javë. Prioriteti tani është të punohet gjatë gjithë kohës për të shpëtuar sa më shumë jetë të jetë e mundur pasi shumë njerëz janë ende të bllokuar nën rrënojat e ndërtesave.
“Për këtë është aktivizuar menjëherë Mekanizmi i Mbrojtjes Civile të BE-së, i cili deri më tani ka dërguar 31 ekipe kërkim-shpëtimi dhe 5 ekipe mjekësore nga 23 vende. Por ne po u dërgojmë tashmë një mesazh popullit të Turqisë dhe Sirisë: BE-ja do të mbështesë komunitetet tuaja. Sepse askush nuk duhet të lihet vetëm kur një tragjedi si kjo godet një popull”, tha Von der Leyen.
