Ish-kryeministri, Sali Berisha po zhvillon ditën e sotme një takim në Bashkinë e Lushnjës ku do të prezantojë kandidatin e tij për Bashkinë, Eduart Sharka.
“Në këtë moment kritik nga thellësia e kësaj toke buron një kushtrim, një thirrje të bëjmë gjithçka për te ndaluar këtë rrokullisje të Lushnjës dhe Shqipërisë. Në këtë kontekst 14 maj është një datë që ndan histori sepse pas 32 vitesh jeni te ftuar te votoni kandidatin qe keni zgjedhur me votën e lirë që nuk ua ka caktuar as kryetari i partisë, as kryesia e partisë.
Sot është një realitet me votën tuaj ju përzgjodhët Eduart Sharkën, njërin nga qytetaret shembullor, punëtor me te aftë. Njeri që e do me shpirt Lushnjën dhe i njeh të gjithë problematikat e saj, një specialist, një demokratë i gatshëm per te vendosur dijet ne shërbimin tuaj.
Zgjedhjet e 14 majit ndajnë historinë sepse ne duhet të ngrihemi me te gjithë forcën tone te ndalojmë ketë katastrofe,” u shpreh Berisha.
