I ftuar në “5 Pyetjet” nga Ilir Babaramo, anëtari i Kryesisë së Vetëvendosjes, Arbër Zajmi u shpreh se, mes Kosovës dhe Serbisë ka pasur shumë marrëveshje që nuk janë zbatuar, por sipas tij, këtë herë kemi BE që po bën garantin që kjo marrëveshje të zbatohet.
“Mes Kosovës dhe Serbisë ka pasur shumë marrëveshje që nuk janë zbatuar. Por këtë herë kemi BE që po bën garantin që kjo marrëveshje të zbatohet.
Nëse ne mendojmë se po i bëjmë hile njëri – tjetrit, këtu do të dalim në të njëjtin rezultat. Megjithatë Serbia nuk është shkëputur nga mbajtja e derës hapur për Rusinë.
Kosova nuk ka më hapësirë për të lëshuar pe. Zajednica nuk mund të bëhet, por kjo nuk do të thotë që Kosova ka fituar. Në qoftë se Serbia vazhdon lojën, BE duhet të kuptojë që Kosovës duhet ti jepen meritat, dhe me Serbinë pastaj të merren vetë.”, deklaroi më tej Arbër Zajmi.
