Kryeministri i Kosovës, Albin Kurti përmes një postimi në Facebook ka falënderuar krerët e partive pas takimeve të zhvilluara ditën e sotme në Tiranë.
Kurti u shpreh se se informoi politikanët e Shqipërisë për marrëveshjen e Ohrit e për Qeverisjen e tij dy vjeçare.
Postimi i Kurtit:
E diela e fundjavës së fundit të muajit mars, ishte ditë e një vizite pune në kryeqendrën e Republikës së Shqipërisë.
Takova presidentin Bajram Begaj, kryekuvendaren Lindita Nikolla, kryeministrin Edi Rama dhe kryetarin e Partisë së Lirisë, ish-presidentin Ilir Meta.
Secilin prej tyre e njoftova për së afërmi me procesin e dialogut, takimin e 18 marsit në Ohër, marrëveshjen e arritur atje dhe elementet përbërëse të saj, krahas progresit të shënuar në Kosovë gjatë qeverisjes sonë dyvjeçare.
Takimet ishin të përzemërta. Mbështetja ishte e qartë. Falënderoj krerët e institucioneve shqiptare për mikpritjen.
