-sidi education-spot_img
16.5 C
Tirana
-sidi education-spot_img

Berisha: Alibeaj ka fshehur vëllanë e tij kriminel

Kryesoret

Sali Berisha prej disa muajsh ka deklaruar se Edi Rama mban peng Enkelejd Alibeajn, kryetarin e komanduar të PD-së. Por për çfarë e mban peng, çfarë di Edi Rama për kryetarin e grupit të PD-së? Ish-kryeministri Berisha tregoi sot versionin e tij duke aluduar konkretisht për të vëllanë e deputetit demokrat që ka marrë drejtimin e partisë. Berisha nuk kurseu edhe bashkëjetuesen e Alibeajt, Marsida Xhaferrllarin që është anëtare në Gjykatën Kushtetuese.

“Basha është i marrë peng me disa dosje, Alibeaj ka fshehur të vëllanë e tij kriminel. Përçarja e opozitës është pengmarrje, ndaj duhet t’i quajmë gjërat siç janë. Lulzim Basha është i marrë peng me dosjen e larjes së 700 mijë dollarëve.

Ju e dëgjuat raportin, ato nuk kanë lidhje me PD-në, ato janë transaksione të Bashës. Raportet e CIA-s thonë që janë para ruse.

Lulzim Bashë është peng edhe i aferave të tjera. Zinxhiri i aferave të tij është i gjatë.

Enkelejd Alibeaj ka fshehur të vëllanë e tij kriminel, që është arrestuar për rrëmbimin me armë në vendet e BE dhe sot nuk dihet se ku është. Ndan të fshehtat me Edi Ramën.

Ndaj dhe mbahet peng. Për këto rekorde kriminale mund të mos zgjidhej deputet, partnerja e tij mund të mos zgjidhej në gjykatë.

Por ia kanë mbyllur dhe e mbajnë peng dhe e shëtisin. Kjo nuk është përçarje, është pengmarrje. Unë i përgëzoj të gjithë ata që u larguan.

Geni i tyre për pluralizmin i shtyu që të largohen ndaj këtij aventurieri. Ndaj të dyve. Mos mendoni se Basha ka vetëm akuzën e parave. Ka edhe të tjera.

Sigurisht ndikon në tërësi, të gjitha këto ndikojnë. Vrasjet ndikojnë, sulmet me armë ndaj Top Channel ndikojnë. Se çfarë sigurie ka këtu.

Prandaj opozita po bën thirrje që të firmosim ndryshimin më 14 maj” tha ai.

/5pyetjet.al

spot_img
spot_img
spot_img
spot_img
spot_img
spot_img
- Advertisement -spot_img

Më tepër

- Advertisement -spot_img

Lajmet e fundit