Këngëtarja e njohur njëkohësisht edhe ish-banore e Big Brother VIP, Valbona Mema e ndërpreu para kohe rrugëtimin e saj brenda shtëpisë më të famshme, por duket se e ka shijuar shumë qëndrimin brenda.
E ftuar sot në “Se Luan Topi”, Valbona u shpreh se të gjithë i konsideronte si fëmijët e saj, ndërsa Armaldon e cilëson si vëllanë e saj të vogël.
Valbona kujtoi edhe momentet që i mungojnë më shumë tashmë që ka dalë jashtë Big Brother.
“Unë e kam jetuar atë lloj eksperience dhe sinqerisht u ambientova shumë shpejt dhe të gjithë i quajta si fëmijët e mi. Armaldo ishte vëllai im i vogël. Çuditërisht më përqafonin çdo mëngjes dhe çdo darkë. Nuk është se ato u disiplinuan, se të disiplinuar janë.
Unë shkova jo si një lojtar, e guxova si femër dhe ata kishin shumë respekt ndaj meje dhe kjo bëri ndryshonte dita. Mungesa e përqafimit ndihej, un arrita të merrja shumë dashur, e di që më mungon.
Ishim 13 veta dhe të gjithë ishin mosha e fëmijëve te mi. Më shumë do më mungojë mëngjesi me Luizin që më bënte kafen dhe para primet që përqafonim njëri-tjetrin dhe thoshim suksese, emocioni ishte shumë i madh,” tha Valbona.
