Gjykata e Tiranës ka lënë në burg Saimir Koroshin i cili u arrestua dy ditë më parë si i dyshuar për grabitje në Kamëz bashkë me një person tjetër.
35-vjeçari Saimir Karoshi dhe bashkëpunëtori i tij Qatip Hoxha 32 vjeç vodhën me armë një servis në Bathore.
Arrestimi i 35-vjeçarit u bë i mundur dy ditë më pas, ndërsa Qatip Hoxha u shpall në kërkim.
Të dy i vodhën pronarit të biznesit orën e dorës dhe varësen që kishte vënë duke e kërcënuar me armë zjarri.
Në dëshminë e tij Karoshi ka thënë se ka qëndruar vetëm në makinë, duke ia lënë kështu autorësinë e grabitjes, shokut të tij.
Qatip Hoxha i cili është ende në kërkim, është nipi i Rruzhdi Hoxhës që u vra dhe u gropos më pas nga shoku i tij Fredi Rrushi.
.