Këngëtarja e njohur nga Kosova, Albina Kelmendi, do ta prezantojë Shqipërinë në “Eurovision 2023”. Ajo do ta performojë këngën “Duje” së bashku me babanë, nënën, dy motrat dhe të vëllanë.
Faqja e Eurovisionit ditën e sotme (e shtunë) ka prezantuar në mënyrë të veçantë artisten nga Peja.
“Një çështje e vërtetë familjare nga Shqipëria këtë vit me Albinën, nënën e saj, babanë, vëllanë dhe motrat”, thuhet në postim.
“Baladë dramatike, mjaft e rëndë”, analiza e BBC-së për këngën e Shqipërisë në Eurovision
“Të gjithë duke u ngjitur në skenë në Liverpool”, është shkruar tutje në postimin e publikuar në Facebook.
Sakaq javë më parë BBC ka bërë një analizë në lidhje me këngën e Shqipërisë në Eurovision. Sipas tyre, Shqipëria nuk pritet të ketë ndonjë arritje të madhe. Mes tjerash, u cilësua si një baladë dramatike dhe mjaft e rëndë.
