-sidi education-spot_img
13.5 C
Tirana
-sidi education-spot_img

“Superliga me paga minimale”, Rama takim me sipërmarrësit: Nuk shkon, rrisni pagat

Kryesoret

Kryeministri, Edi Rama pas takimit të zhvilluar me qytetarët e Kavajës ka mbajtur edhe një takim me sipërmarrës të bizneseve.

Gjatë bisedës me sipërmarrësit Rama risolli edhe një herë në vëmendje rritjen e pagave.

Kryeministri gjatë takimit e lidhi rritjen e pagës me skuadrën KS Besa në Kavajë ku nuk u kursye me ironite dhe batutat për presidentin Nexhat Bizhdili.

“Gjermania ka vërtetë paga më të larta se këtu, por nuk është dallim i madh aq sa duket. Mendojnë se paga i thotë të gjitha sepse ka një sërë gjërash të tjera që nuk duken, kur sheh pagë me pagë. Janë taksat, shpenzimet e tjera, për qira dhe transport.

“Hape xhep”, thoshte një miku im kur ishim në emigracion. Shqipëria nuk është më ajo që ishte. Fakti që sot jemi në gjendje të bëjmë rritje pagash të pamendueshme të disa viteve më parë, është thuajse dyfishim.

Mund ta mbash pagën e ulët por mund të ndodh dhe çudia e atij që tha; sa e mësova gomarin që të mos hante, më ngordhi. Ky sektor ka një shkundje për këtë drejtim, edhe sikur të ndikojë përkohësisht në fitim, por duhet bërë.

Nuk mund t’i mohohet punonjësve pensioni. Nuk mund të veprohet më; një çikë në bankë e një çikë në dorë. Kjo ka ndodhur. S’të pranon më njeri kështu!

Edhe pse punonjësit mund të mos flasin, në një moment të caktuar të lënë pushkën në faqe. Ata të tjerët ça nuk shkruajnë në program, por kur nuk ke gjë në dorë, ke ça shkruan. Lojtarë futbolli me paga minimale, nuk shkon!”, tha Rama.

/5pyetjet.al

spot_img
spot_img
spot_img
spot_img
spot_img
spot_img
- Advertisement -spot_img

Më tepër

- Advertisement -spot_img

Lajmet e fundit