Emiriana Sako po lufton në disa drejtime për të fituar një tjetër mandat në krye të bashkisë së Durrësit.
Jo vetëm zift në rrugë dhe asfalt elektoral, por së fundmi është kujtuar për rininë.
20 ditë përpara zgjedhjeve ka hapur një procedurë tenderimi për rindërtimin e qendrës rinore multifunksionale Durrës.
“5Pyetjet.al” publikon dokumentet e tenderit me fond limit 94 milionë Lekë pa TVSH, që duke llogaritur këtë të fundit kapërcen 100 milionët.
Ofertat mbyllen në 8 Maj dhe fituesi shpallet përpara zgjedhjeve të 14 Majit.
Gjithçka parashikohet që të përfundojë për 56 ditë, por rëndësi ka tenderi dhe nisja përpara zgjedhjeve, pasi fundi nuk dihet.
