Kjo do të ishte java e ëndrrave për Rubén Robles, i lindur në Castelló, por banues në Sant Joan de Moró dhe Jéssica Sales nga Vinaròs. Çifti prej muajsh përgatitej për një udhëtim në Shqipëri për të njohur kanionet dhe natyrën e vendit.
Ata kishin planifikuar aventurën dhe shoqëroheshin nga spanjollë të tjerë të ardhur për të njëjtin qëllim, por deri më tani asnjëri prej tyre nuk ka prekur ëndrrën. Arsyeja nuk është tjetër veçse bagazhi i tyre, pasi pavarësisht se të premten kanë fluturuar nga Barcelona, valixhet e tyre janë ende në aeroportin “El Prat”.
“Shkak duket se është bërë greva e firmës që ngarkon valixhet në avionë. Një koleg ka një lokator “GPS” në valixhen e tij dhe i thotë se janë ende në Barcelonë”, pranon Rubén, i cili nuk e fsheh zhgënjimin: “na kanë ngatërruar udhëtimin.
Fluturimi duhej të nisej në dhjetë, hipëm në aeroplan në njëmbëdhjetë dhe ai nuk u ngrit deri gati në një. Ata që erdhën të shtunën kishin katër orë në aeroport. Dhe për më tepër, kur mbërritëm, të gjithë u gjendëm pa bagazhe” tha ai.
Fatkeqësisht, nuk është e çuditshme që disa valixhe mund të humbasin, të mbërrijnë më vonë ose të mos arrijnë fare në destinacion. Rasti i veçantë i Rubenit dhe Xhesikës është se pa materialin që sollën në Shqipëri nuk mund të kryejnë asnjë nga aktivitetet që kishin në rendin e ditës: “Ky material nuk mund të blihet apo të merret me qira këtu. Vlera e tij është rreth 3000 euro dhe përfshin litarë, kostume, parzmore… gjithçka që është e nevojshme për t’u varur nga muret”.
Linja ajrore Wizz Air, e cila është ajo që i ka çuar në Shqipëri, vazhdon pa u dhënë shpjegime këtyre pasagjerëve dhe nga aeroporti i Tiranës, kryeqyteti shqiptar, e kanë injoruar gjithashtu “sepse në fund thonë se nuk kanë çfarë të bëjnë.
Valixhet janë në Barcelonë dhe këtu duhet të ikin”, pranon Rubén, i cili planifikon të qëndrojë në Shqipëri deri të dielën: “Për momentin qëndrojmë edhe një natë në Tiranë me shpresën që valixhet të mbërrijnë të shtunën, por tani ne jemi në jug. Për më tepër” tha ai, shkruan media spanjolle.
