“Serbia ka zbatuar të gjitha marrëveshjet”, Bislimi: Propagandë e pastër

Zëvendëskryeministri i Kosovës, Besnik Bislimi për mes një postimi në llogarinë e tij në Twitter ka reaguar në lidhje me intervistën e presidentin e Serbisë, Aleksandar Vuçiç për CNN ku është shprehur se Serbia ka zbatuar të gjitha marrëveshjet nga prilli i vitit 2013 e deri më sot.

Sipas Bislimit kjo deklaratë e Vuçiç është një propagandë e pastër ku në shkrimin e tij ka publikuar disa nga shkeljet e kryera nga Serbia.

“Gjatë kësaj jave, në CNN, Vuçiç tha se Serbia ka zbatuar të gjithë marrëveshjet nga prilli 2013 e deri më sot. Kjo nuk është e vërtetë dhe është në kundërshtim me realitetin. Është shtrembërim i fakteve dhe propagandë e pastër. Më poshtë një listë e vetëm disa prej shkeljeve të rënda të kryera nga Serbia”, shkruan Bislimi.