Në orët e para të ditës së sotme është regjistruar një tentativë vjedhjeje në një biznes në rrugën dytësore Tiranë-Durrës.
4 persona ende të paidentifikuar kanë tentuar të vjedhin me dhunë në një biznes privat për prodhimin dhe shitjen e betonit.
Për shkak të reagimit të shërbimit privat të sigurisë dhe mbështetjes personat nuk kanë mundur të realizojnë vjedhjen dhe duke përfituar nga errësira janë larguar.
Grupi hetimor ka sekuestruar pamjet filmike dhe vijon punën nën drejtimin e Prokurorisë për zbardhjen dhe dokumentimin e ngjarjes, identifikimin dhe kapjen e autorëve të dyshuar.
