Ish-kryetari i PD, Lulzim Basha është shprehur fillimisht i “habitur” me presionet dhe kërcënimet në mbledhjen e Kryesisë së PD-së duke thënë se nuk i ka parë. Por kur mediat nisën t’i nxirrnin videot, u tërhoq duke thënë se i dënon me forcë.
“Cila dhunë? S’i kam parë videot. Nuk ka nevojë për spektakël. Përgjigja ime është që dje. E refuzoj dhe dënoj me forcë çdo sjellje, në këtë rast, fjalët dhe kërcënimet që janë shkëmbyer në një moment tensioni, pjesë e të cilëve kanë qenë edhe anëtarë të medias.
Momente tensioni që janë të kuptueshme. Ju ftoj të jeni edhe më trima sikur nuk jeni me të tjerët. Në raste të tilla, nuk duhet të themi kush ka apo nuk ka faj. T’i shmangemi klimës së tensionit. Respekt dhe debat” tha ai.
