Thanas Thoma Bako alias Athanasios Sebastian Bako, 52-vjeç nga Saranda, konsiderohet nga Europoli si një nga “peshqit e mëdhenj” të pastrimit të parave që rrjedhin nga trafiku ndërkombëtar i drogës, ku detajet e operacionit u bënë publike nga policia dhe mediat greke.
Pas arrestimit nga policia, 52-vjeçari nuk ka pranuar akuzat për pastrimin e parave të drogës. Avokatja e tij, Eleni Kriketou në një deklaratë për mediat është shprehur se ajo 52-vjeçari mohon akuzat, dhe se vetë ajo do të vërtetojë pafajësinë e tij.
“Bëhet fjalë për ekzekutimin e një urdhri europian arresti nga vend anëtar i BE. Mohon çdo përfshirje dhe akuzë. Jemi në bashkëpunim të vazhdueshëm për të vërtetuar pafajësinë e tij”, ka thënë avokatia.
52 vjeçari Bako akuzohet se për 10 muaj ka qarkulluar 250 milionë euro të grupeve kriminale të trafikut të kokainës në Belgjikë dhe Holandë. Arrestimi i tij erdhi pas zbulimit nga policia holandeze të bisedave të trafikantëve në aplikacione të enkriptuara.
