Të paktën katër persona u plagosën sot nga bombardimet ruse në një lagje të Kharkiv, qyteti më i madh në Ukrainën lindore, thanë zyrtarët lokalë.
Oleh Sinekhubov, guvernatori i Kharkiv, shkroi në Telegram se katër persona u plagosën. Tre nga të plagosurit janë dërguar në spital ndërsa i katërti ka marrë ndihmën e parë në vend. Kryetari i bashkisë së qytetit, Ihor Terekhov, tha se gjithsej shtatë persona u plagosën nga bombardimet në lagjen Osnovianski në Kharkiv jugor.
Ukraina rimori pjesën më të madhe të provincës lindore të Kharkiv shtatorin e kaluar dhe forcat ruse ruajnë kontrollin e vetëm një brezi të vogël toke në zonë.
