Policia e Vlorës ka vënë në pranga 2 persona pasi transportonin emigrantë jashtë kufirirt kundrejt pagesës.
Ata u kapën në flagrancë teksa po transportonin 3 afganë të cilët kishin si qëllim kalimin e kufirit.
Policia nga ky operacion sekuestroi automjetin me të cilin po udhëtonin, një shumë parash dhe 2 aparate celulare.
Të arrestuarit janë 26-vjeçari me inicialet M. M. dhe 28-vjeçari me inicialet M. S. Ata akuzohen për veprën penale “Ndihma për kalim të paligjshëm të kufijve”, kryer në bashkëpunim.
Materialet procedurale i kaluan Prokurorisë, për veprime të mëtejshme.
