Policia Kufitare ka shpëtuar pas 10 orë operacion kërkim-shpëtimi një 28-vjeçar i cili ishte bllokuar në mes të detit në Borsh pasi Jet Ski me të cilin po udhëtonte kishte pësuar defekt dhe ishte fikur.
Sipas njoftimit të policisë rrymat detare kishin zhvendosur 2.5 milje në thellësi në drejtim të ishullit të Korfuzit Jet Skin duke i rrezikuar seriozisht jetën të riut.
Njoftimi për bllokim në det ishte marrë që nga ora 20:00 ku më pas policia u nis me t3 mjete lundruese për të lokalizuar dhe shpëtuar 28-vjeçarin.
Si rezultat i operacionit që zgjati deri në orën 06:20 të ditës së sotme u bë i mundur lokalizimi dhe nxjerrja në breg, në gjendje të mirë shëndetësore të 28-vjeçarit.
