Sali Berisha ka deklaruar se nuk ka komunikuar me ish.zv-kryeministrin Arben Ahmetaj. Por ish-kryeministri theksoi se telefonin e ka të hapur dhe Ahmetaj mund t’i shkruajë.
“Nuk e kam ndaluar”, tha Berisha, i cili deklaroi se informacionet për kërcënimet ndaj ish-zyrtarit socialist i mori nga qytetari dixhital.
“Nuk kam komunikuar kurrë me Arben Ahmetajn nëse do ai mund të shkruajë në telefonin tim, nuk e kam ndaluar kurrë. Ahmetaj u largua duke paraqitur mesazhet kërcënuese që i janë dërguar. Prokuroria duhet ti hetonte gjer më një.
Ahmetaj ka informuar njerëz të cilët u ka rrëfyer se është kërcënuar, madje direkt edhe nga kriminelë nga qelitë e burgjeve, është një gjë e rëndë. Për ish-bashkëshorten dhe bashkëshorten më thonë se janë lëshuar urdhër arresti, por nuk e di të vërtetë.
Të lëshosh urdhër arresti për ato zonjat, dhe të sillet Veliaj, Rama, Agaçi e Gjiknuri të lirë, që me firmat e tyre janë bazë e vjedhjes, do të thotë që po përpiqet të serviret çështja ashtu siç nuk është. Ahmetaj të paraqitet si strumbullari apo trungu, dhe Mërtiri e Zoto dhe qarku të mbyllet me këta 3 persona, E them me përgjegjësi absolute.”, u shpreh ndër të tjera Berisha.