Policia greke pas ndalimit të një autobus të linjës Athinë-Tiranë ka arrestuar një të ri kroat i dyshuar si pjesë e grupit që ekzekutuan tifozin grek një ditë më parë në Athinë.
Mësohet se i arrestuari është 19-vjeçari kroat, Domagoj Pezer. Ai tentoi të largohet nga Greqia, por u ndalua në pikën e kufirit grek të Kakavijës.
Ai u prangos dhe para pak minutash u dërgua në drejtorinë e Policisë Janinë ku do të merret në pyetje.
Gjithashtu bëhet me dije se janë arrestuar edhe 7 kroatë të tjerë janë arrestuar në kufirin e Evzones me Maqedoninë Veriore, teksa në automjetin e tyre janë gjetur armë të ftohta dhe sende tifozësh të Dinamo Zagreb
Pas ngjarjes, ministri grek i Mbrojtjes së Qytetarit, Ioanis Oikonomou ka urdhëruar largimin e menjëhershëm nga detyrat 7 oficerëve të policisë greke EL.AS.
Nga përleshjet e regjistrua mbrëmjen e së hënës u plagos rëndë 29-vjeçari grek Michalis Katsouris i cili ndërroi jetë.
Gjithashtu janë plagosur 8 persona të tjerë, njëri prej të cilëve është në gjendje të rëndë.
Policia greke kreu 98 arrestime mes të cilëve edhe një shqiptar.
