Paraditen e sotme, ashtu sikur kishte paralajmëruar avokatët e Fredi Belerit kanë depozituar në gjykatën e posaçme një kërkesë të re për lirimin e të zgjedhurit si kryebashkiak i Himarës nga qelia për t’u betuar.
Fredi Beleri mbahet në arrest prej 12 majit të këtij viti pasi u arrestua për blerjen e votave të 8 qytetarëve kundrejt 40 mijë lekëve. Gjykatat kanë refuzuar disa kërkesa të tij për lirim ndërsa autoritetet greke kanë dënuar arrestimin.
Ditën e sotme ministri i Punës në Greqi Adonis Georgiadis paralajmëroi Shqipërinë me një gjuhë të ashpër se nëse nuk bëhet betimi i Fredi Belerit, do të ketë pasoja për anëtarësimin në Bashkimin Evropian.
“Ta harrojë paratë nga BE nëse pengon betimin e Belerit. Shqipëria do të harrojë paratë nga Europa nëse Fredi Beleri nuk betohet si kryebashkiaku i Himarës.
Mitsotakis nuk ftoi Ramën, qeveria greke: Nuk bëjmë asnjë hap pas për çështjen Beleri
Shqipëria do paguajë çmim shumë të lartë nëse vazhdon të shkelë të drejtat e grekëve” tha ministri i Punës në Greqi. Shqipëria bojkotoi darkën informale sonte në Athinë.
