Zbardhen detaje të reja nga ngjarja që ndodhi në orët e para të ditës së sotme në rrugën “Besim Alla” në Tiranë ku një punonjës policie është goditur me sende të forta nga disa persona teksa ishte në makinë bashkë me vëllain e tij.
Punonjësi i policisë bashkë me të vëllanë kanë qenë duke lëvizur në zonë dhe një grup prej disa personash i kanë parë dhe i kanë ndaluar.
Paraprakisht dyshohet se shkak i sherrit ka qenë një borxh që autorët pretendonin se u kishte vëllai i policit. Në sherr e sipër të rinjtë janë goditur me sende të forta si shkopinj e gurë.
Gjatë konfliktit efektivit i ka rënë arma e shërbimit në tokë, e cila është gjetur më pas në vendngjarje. Dy të plagosurit, efektivi me vëllanë ndodhen në spital dhe janë jashtë rrezikut për jetën.
Shkelma e grushte në Tiranë, një grup personash rrahin dy të tjerë, njëri punonjës policie
