Deputeti i Partisë Demokratike, Arbi Agalliu, duke folur në studion e “5 Pyetjet” nga Ilir Babaramo, u shpreh se, vendimi për mbylljen e basteve sportive nga qeveria ishte diçka e organizuar nga fillimi, deri në fund.
Sipas Agalliut, me mbylljen e tyre u dëmtua rëndë buxheti i shtetit, bizneset, qiraxhinjtë e të gjithë ata që ishin lidhur me këtë lloj biznesi.
Mbyllja e basteve sportive, Agalliu në “5 Pyetjet”: Përfitoi vetëm industria e informalitetit!
“Unë e mendoj të organizuar nga fillimi deri në fund. Me mbylljen e tyre u dëmtua buxheti i shtetit, u dëmtuan ata biznesmenë që merreshin me këtë biznes, u dëmtuan ata njerëz që kishin lëshuar me qira ato ambiente ku ishin ngritur këto pika bastesh apo lojërash fati.”, tha ndër të tjera në fjalën e tij, z. Agalliu.
