Policia e Kosovës ka vënë në pranga 4 persona të cilët dyshohet se kanë kryer së paku 10 vjedhjes.
Mësohet se vjedhjet janë kryer nën kërcënimin e armëve duke u kthyer në makth për banorët.
Zëdhënësja e Policisë për Prishtinë, Flora Ahmeti ka thënë se personat e arrestuar dyshohet se janë përfshirë në rastet e grabitjeve që kanë ndodhur në pompa derivatesh e markete në Prishtinë.
“Personat e arrestuar janë F.M., 34 vjeç, A.S., 34 vjeç, F.M., 32 vjeç, dhe Xh.S., 41 vjeç, të cilët janë arrestuar në Stacionin e Autobusëve, duke tentuar të largohen nga Kosova”, tha Ahmeti.
Ajo shtoi se personat e dyshuar pas intervistimit nga ana e hetuesve me vendim të prokurorit janë dërguar në mbajtje.
