Pas mbi pesë orësh “ngujuar” brenda, opozita doli nga parlamenti. Grupi i PD-së zhvilloi një mbledhje në errësirë në parlamentin e Shqipërisë.
Kryetari i grupit, Gazment Bardhi njoftoi në fund se u vendos që të mos njihet vendimi i Komisionit të Etikës dhe Disiplinës për përjashtimin e 26 deputetëve të PD-së.
“Së pari njëherë i kanë përjashtuar kolegët 11 ditë dhe jo 10, kjo tregon sa qesharakë janë. Ne nuk do ta njohim urdhrin e përjashtimit. Patjetër do të vijmë në seancë dhe do të marrim pjesë në cdo mbledhje komisioni. Ne po kërkojmë komision hetimor, na e njeh Kushtetuta” tha ai.
Paraditen e sotme ishte përcaktuar për t’u zhvilluar seanca e radhës e parlamentit, por opozita e bllokoi zhvillimin normal për këtë arsye 26 deputetë u përjashtuan.
