Raportuesja për Kosovën në Parlamentin Evropian, Viola von Cramon ka komentuar vizitën e fundit në Kosovë e Serbi, të Presidentes së Komisionit Evropian, Ursula von Der Leyen.
Von Cramon në një postim në “X” ka shkruar se e ka mirëpritur qartësimin që ka bërë Von Der Leyen mbi marrëdhëniet Kosovë-Serbi.
Ajo megjithatë ka shtuar se do të ishte mirë që të njëjtën qartësi ta kishte edhe për mangësitë e Serbisë në sundim të ligjit e demokraci.
“Unë e mirëpres qartësinë nga Von Der Leyen mbi marrëdhëniet Serbi-Kosovë. Megjithatë, do të ishte mirë që e njëjta qartësi të ishte për: mangësitë e Serbisë në sundimin e ligjit, lirinë e medias dhe demokracinë,” ka shkruar Von Cramon.
Ajo ka shtuar se duhet një Serbi demokratike, jo qetësim i mëtejshëm i Vuçiçit.
I welcome the clarity from @vonderleyen on 🇷🇸 relations with 🇽🇰.
Yet, would be good that the same clarity was re: 🇷🇸’s shortcomings in RoL, media freedom and democracy.
Call a spade a spade – we need democratic Serbia, not further appeasement of Vučić.https://t.co/IvVU0m15wG
— Viola von Cramon 🇺🇦🇪🇺 (@ViolavonCramon) November 1, 2023
