Në Kongresin e Partisë Socialiste, Edi Rama e cilësoi absurd qëndrimin e Greqisë që ka paralajmëruar veto për hapjen e kapitujve të negociatave për Shqipërinë për shkak të arrestimit të Fredi Belerit. Megjithatë, tha se nuk “duhet ta prishim gjakun”.
“Greqia ka dalë me arsyen e mos arsyes së saj me rastin që dimë që nuk ka asnjë lidhje, as me BE-në dhe as me kushtet e procesit të negociatave dhe as me ndonjë mangësi të Shqipërisë në këtë fazë të negociatave, ku Shqipëria ka shkëlqyer, por nesër mund të dalë dikush tjetër. Po pse për këta do ta prishim gjakun ne?
Ne duhet të jemi të vetëdijshëm dhe nuk duhet ta humbasim kurrë busullën, që BE, Europa, vendi, ku dielli lind andej nga perëndon, është amaneti ynë, borxhi historik që të gjithë udhëheqësit dhe forcat i kanë pasur gjeneratës tjetër. Drejtësia e drejtë, funksionale dhe barabartë për të gjithë” tha ai.
