Në seancën e mbajtur për Alfred Belerin në Gjykatën e Posaçme u debatuan provat e paraqitura nga SPAK, të cilat tregonin sesi tregtohej shkëmbimi i votës së qytetarëve të Himarës në këmbim të letrave greke.
Beleri përmes avokatëve të tij i konsideroj provat e paraqitura si të pavlefshme gjithashtu dhe regjistrimet e hetimit nga Prokuroria e Vlorës.
Në seancë u tha se telefoni celular i Fredi Belerit nuk ishte këqyrur, pasi ai nuk kishte dhënë kodet e tij.
Prokurorët thanë se nga kontrolli i telefonit të të infiltruarit Arsen Rama, SPAK kishte konfirmuar komunikimin mes tyre.
Avokatët e Belerit thanë se: “Prokurorët kanë qenë seleksionues, pasi kanë zbardhur vetëm kontaktet e Arsen Ramës me Fredi Belerin dhe asnjë kontakt tjetër të ditës”.
Beleri kundërshtoi zbardhjen e bisedave. “Mesa duket prokuroria nuk ka besim tek veshët tuaj, i tha Beleri gjykatës, ndaj i ka zbardhur vetë”, ndërkohë që vetë gjykata saktësoi se zbardhjen e procesverbaleve gjyqësore e bën vetë gjykata.
SPAK i tregon provat Belerit, premtonin letra greke në këmbim të votës
