Një plagosje me thikë në rrethana misterioze ka ndodhur në Itali, ku të përfshirë janë edhe dy shqiptarë. Ka qenë një 47-vjeçar italian, i cili fillimisht është paraqitur në spital i plagosur me thikë disa herë dhe në gjendje të rëndë shëndetësore.
Sipas mediave italiane, ai është lënë te dera e spitalit nga dy miqtë e tij me origjinë shqiptare, njëri prej të cilëve gjithashtu ishte plagosur por jo në rrezik për jetën.
47-vjeçari i plagosur është i njohur për autoritetet e drejtësisë italiane, për një vrasje të ndodhur në vitin 2016. Gjendja e tij paraqitet e rënduar, ndërsa ende nuk dihet se si ndodhi ngjarja apo lidhjet që kishte me dy shqiptarët.
Hetuesit kanë marrë në pyetje dy miqtë e 47-vjeçarit me kombësi shqiptare, të cilët e dërguan në spital për ndihmë, dhe dyshohet se janë përfshirë në ngjarje.
