Turqia u tondit mëngjesin e sotëm nga një aksident i cili la pas deri më tani 11 të vdekur dhe 57 të plagosur, ngjarja ndodhi në pjesën veriperendimore të Turqisë.
Në aksidentin e ndodhur në autostradën e Maramarasë u përfshinë 7 automjete, 3 prej të cilave autobusë dhe një kamion.
Deri më tani shkaqet e aksidentit nuk dihen ende, ndërkohë mediat turke raportojnë se një ndikim mund të ketë pasur dhe mjegulla e dendur.
Guvernatori i Sakaryas duke folur në për mediat pas aksidentit të tmerrshëm u shpreh se shumë nga viktimat humbën jetën, pasi dolën nga automjetet e tyre dhe u përplasën nga të tjera automjete që nuk kishin fushëpamje.
Guvernatori Karadeniz deklaroi më tej se, të plagosurit janë dërguar në spitale dhe puna e ekipeve në rajon vazhdon. Ekipet vijojnë largimin e automjeteve nga rruga në rajonin ku ka mjegull të dendur.
“Aksidenti është shkaktuar fillimisht nga përplasja e disa makinave me kamionë të tonazhit të rëndë. Mendohet se disa nga personat që kanë humbur jetën në aksident kanë zbritur nga automjetet e tyre dhe janë goditur nga mjete të tjera që vinin nga pas”, u shpreh në deklaratën për mediat guvernatori.
